اهلا بالعضوة (sam ) اميرة على الكرسى

هل تعتقد ان حظك سيئ؟
لا ابدااااااااا انا متفائلة مهما حصل وبعدين الحمد لله مفيش حاجة حصلت لدلوقتي تخليني اعتقد كده دا بالعكس انا حاسة اني حظي حلو جدااااااااااااا

هل انت راضي عن نفسك ؟
احيانا واحيانا

.هل تعترف بشيء اسمه الصداقه بين البنت والشاب وما هوه رائيك فى ذلك ؟
هي المسميات مش هتفرق المهم المضمون ويا تري فعلا اللي بين الشاب والبنت ده صلة طيبة بتقوم علي الاحترام والتعامل بكل ادب واخلاق ولا لا نسميها بقي صداقة نسميها اخوة مش هتفرق كتير بس اكيد الاحسن مسمي الاخوة لانه بيعبر عن كل اخلاقية ف التعامل من مجرد اسمه بس
ورايي فيها انها لو قامت علي كده مفيش مشكلة بس اكيد هتكون بحدود مش هتكون زي صداقة بين بنت وبنت او ولد وولد بردوا

.ما هو اقتراحك الذي تتمنى ان يحدث في هذا المنتدى ولم يحدث الى الان ؟
بصراحة حاليا مش عارفه

.من هو اكثر شخص تفكر فيه؟
فيه كذا شخصية بس بصراحة اكترهم الكابتن


.من يسكن قلبك؟
اهلي واصحابي واخواتي وكل الناس اللي بحبهم

س -كل انسان وله أمنيات وأمال .. يا ريت تخبرنا عن امنياتك وامالك اللى تتمناها ؟
ياااااااااااااااااااه دا مفيش اكتر من الامنيات .......
اتمني اكون دكتورة بس مش في مجال واحد في كل التخصصات علشان اساعد كل الناس الفقراء واتمني احفظ القران كامل ومش انساه ابدا واتمني اني يكون ليا اصحاب من كل دول العالم وان مصر تكون اقوي واحسن دولة ف العالم واتمني ان كل اصحابي يكونوا معايا علطول ونعيش كلنا في بيت واحد ازاي معرفش وامنية بقي ابعد من الخيال ان كل الناس اللي بحبهم اعيش معاهم في جزيرة واحده كلنا مع بعض واتمني وان أي حد نفسه في حاجة يحققها يعني اتمني ان الكابتن يكون صاحب اكبر شركة ف العالم ويحقق كل امانيه ويشيل من دماغه فكرة السفر دي لان بلده اولي بيه ويعني مش الكابتن بس كل انسان يحقق كل شئ يتمناه بس الكابتن اللي تقريبا عارفه ايه هي امنيته وبعد ما اخلص دراسة ان شاء الله اتمني اني اكون لقيت حد احبه ويحبني بجد وربنا يكون راضي عني ويوفقني ويوفق الجميع لكل خير.


-من هو مثلك الاعلى ؟
الرسول عليه الصلاة والسلام مثلنا الاعلي كلنا

-من هم الأعضاء اللي تتمنى تشوفهم؟
اكيد اتمني اشوفكم كلكم واتعرف عليكم بس خاصة الكابتن ومي وملاك والبروف وهيبو ومني

-ما الفرق بين شخصيتك في النت وخارج النت؟
في النت بعرف اكلم بطلاقة وحرية وشجاعة اكبر من خارج النت وكمان خارج النت يعني خجولة حبتين ف النت تقريبا لا من الاخر في فرق كبيييييييييييييير اوووووووووي بين شخصيتي ف النت وخارج النت

-من هو العضو الي يسعدك تواجده بالمنتدى؟
بجد بجد الكابتن

شخـــص لطــالما حـــلمـــت بــــه فى المنتدى ؟!؟
الكابتن وام عمرو والملاك البريئ وبسمة الكون

- -مــاهــو الشــئ الذي ندمــت علــي عمـلــــه؟!؟
شئ كده وخلاص ندمت وربنا يسامحني

خمسة اعضاء فى المنتدى لن تنساهم ابداً وعشت معاهم احلى زكريات ؟
الكابتن وام عمرو وسفيرة الاحلام والبروف وهيبو و........ كتير اووووي بس دول اكتر ناس

ايه العيب اللى فيك ونفسك تغيره؟
الثقة الزايدة في أي حد اعرفه والشك دايما ان حد زعلان مني دا شئ بيجنني

ما ذا تقول لهم لو جلست مع الشخصيات التالية

وزير التعليم : حسبي الله ونعم الوكيل فيك حرام عليك بوظت نظم التعليم كنا فاكرينك هتصلح مشيت علي نهج اللي قلبك صحيح انت خليت في حزم شوية بس عملت اختلال ف التوازن للطلبة خاصة تانية وتالتة ثانوي يعني ازاي يروحوا المدرسة كل يوم ودروسهم ومذاكرتهم طب يناموا امتي انت عملت كده من غير ما تشوف اذا كان نظام المدارس والشرح فيها ينفع الطلبة ولا لا وحضرتك تعمل الامتحانات بطريقة غبية وعايزهم يعتمدوا علي الكتاب المدرسي وشرح مدرسين المدرسة بس ازاي يعني يا عم اتق الله فينا عقدتنا ف التعليم وكان نفسي انك تغير نظام الامتحان ان كل ترم لوحده علشان تسهل علينا شوية يعني بجد انت افسدت اكتر ما صلحت يللا ربنا ريحنا منك وربنا يسامحك

مبارك: عايزة اقولك يا ريس اني بجد كنت بكرهك وكنت عايزاك تسيب الحكم دلوقتي قبل بكره وكنت بدعي عليك دايما وبتريق عليك وكل حاجة بس بجد دلوقتي عايزاك تسامحني انا لحد امبارح مكنتش حاسة بقيمتك ومكانتك لما شفت موقفك وكلامك امبارح بجد انا حبيتك اوي يا ريس اكتر مما تتصور وعيطت كتير لما قلت كلامك ده امبارح لما حسيت انك خلاص قربت تسبنا بجد انت متستاهلش كل اللي الناس بتعمله فيك واحد غيرك كان هيسبنا في المهزلة دي ويسيب فراغ سياسي ونكون زي السودان والاعداء من امريكان واسرائليين بيتحينوا الفرصة بس انت مديتهمش الفرصة بجد اناا بحبك اوووووووووووووووووووووووووووي يا ريس وخليك معانا متسبناش حضرتك اثبت انك بطل وانك بتبح مصر وانك مصمم علي مصلحتها رغم انهم هانوا كرامتك بس سامحنا يا ريس انت والدنا كلنا واحنا غلطنا بس خلاص عرفنا غلطنا ويا ريت تسامحنا وتخليك معانا صحيح حصل في زمن وعهد حكمك مفاسد كتير والبلد كانت علي حافة الهاوية بس مش بسببك بسبب الناس الفاسدة الظالمة اللي حواليك بس خلاص انت ريحتنا منهم وبتحاول تعمل كل اللي تقدر علشان تصلح كل اللي حصل من غير ما تقصد انت حمتنا من الاحتلال 30 سنة وعيشتنا ف سلام رغم الظلم والقهر والكوسة وكل حاجة بس بردوا كنا ف سلام مكنش في مجاعات مكنش فيه حروب مكنش فيه أي حاجة من دي بجد بجد انت بطل بطل بطل ومصر من غيرك متبقاش مصر خليك وسامحنا .

سوزان مبارك: انتي بقي مش عارفه اقولك ايه انا حاسه انك بتحاولي تعملي حاجة بس فعلا انتي شكلك كده افسدتي البلد والبنات حالهم بقي غير الحال مش كنتي تعملي حاجة وتحاولي تحافظي علي شريعة الاسلام وتطبقي دا ف بلدك علي بناتك مش تسيبيهم كده ايوا دي مسئوليتك اوان بحملك كل ده الموضة والكلام ده لو كنتي منعتيها مكنش حد قدر يخالف ده اذا كانت الام الكبيرة سايبة شعرها امال بناتها هيعملوا ايه ربنا يسامحك ويهديكي وتقدري تعملي حاجة ف ايامك الاخيرة

وف الختام مش عارفه اقول ايه للكابتن غير متشكرين يا عم كل دي اسئة انا ايدي وجعتني

دا نورك يا قمر
تجهزي الباقي يا نور اتقي الله فيا ليكي يوم اعملي لبكره يختي بدل ما اطلعه عليكي ههههههه

-هل تحاولى تحل مشاكل الاخرين ؟
ياااااااااه بحاول وبس دا انا بحاول وبحاول وبحاول حتي احيانا في ناس بيتضايقوا من كده او بيعتبروه تدخل فيما لا يعنيني بس انا مش بحب اشوف حد ف مشكلة ومحاولش اساعده حتي لو مقدرش احلها حل كامل بحاول اعمل اللي عليا وخلاص

3-هل تستفيدى من خبرات و أخطاء وتجارب الآخرين ؟
كنت ف الاول ولا بستفاد ولا كان حاجة حصلت بس بداية ممن 3 اعدادي بقيت بحاول استفاد منها اكبر استفادة

5-ما هي الحكمة التي تؤمنى بها كثيرا ؟
انه مفيش حاجة مستحيلة

6-ما هي أحب الالوان الى نفسك ؟
الاخضر والاسود

7-بصراحة كده ممكن توصفى لينا شخصيتك من وجهه نظرك الوحش و الحلو؟
والله اللي يوصفني الناس اللي اتعاملوا معايا مش انا لان محدش يقدر يوصف نفسه بشكل صحيح علشان كده السؤال ده تجاوبوا عليه بنفسكم

8-مين الشخص اللي بتحلمى تشوفية او يكون معاك ؟
السؤال دا اتكرر كتير ع العموم هو الكابتن لما اشوف هنشوفه ف حياتي بقي ولا الحرب هتقوم

9-لحظة تتمنى انك تعشها ؟
لحظة لما اشترك ف المخابرات المصرية وابقي زي ادهم صبري كده يا سلااااااااااااااااااام

10-شخص تقولة (( متسبينيش ))؟
لكل الناس اللي بحبهم

11-لو خيروك بين الحب والصداقه هتختار ايه ؟ و ليه إخترت الإختيار ده؟
انا علطول كنت بقول الصداقة من زماااااااااان اووووووووي وعمري ما قلت الحب ابدا
اخترت الصداقة لان دي اللي جربتها واللي بحس انها مهمة اوووووووووي من غيرها متبقاش حياة

12-أكتر فنان بتحبه وأكتر فنانه ؟؟ وايه الاغاني بتاعتهم الي اثرت فيك سواء كلماتها او كليبها؟
عبدالرحمن القريوتي " نشيد توام هنايا عن الصداقة- ونشيد قولي لهم عن غزة" & وديمة بشار "حلوة البسمة-ديمة الاولي"

13-أكتر كلمه ممكن تعبر بيها عن نفسك ايه؟؟ في لحظة حزنك،فرحك،ومزاجك سيء؟
حزني:هادية
فرحي:مجنونة
مزاجي سئ:عصبية

14-صــف نفســـك بكلمتيـــن فقـــط..!
لا ادري

15-مــاهــو الشــئ الذي ندمــت علــي عمـلــــه؟!
شئ كده بلاش تفكروني بقي

16-كـلمـــة تمنيـــــت ان تسـتطيـــع سحـبهــــا؟!؟
اهي كلمة وراحت لحالها

17-آخـــر شخـــص تتـــذكــــره قبـــل أن تنـــــام؟!؟
هو في حد قبل ما بينام بيتذكر حد غير السرير

18-شخـــص لطــالما حـــلمـــت بــــه؟!
انا اتخنقت من السؤال ده

19-دمـعـــه انـذرفــــت رغـمــاً عنـــك؟!؟
يوم خطاب الريس التاني

20-مـوقـــف صــدمــك ولــن تنســــاه؟!؟
موقف لحد كده عمري ما هنساه ابداااااااا

21-شـخــص تتمنــي الإنتقــام منـــه؟!؟
ربنا يسامح الجميع ربنا هو المنتقم

22-اذا اردت ان تبكي الان , فعلى من تبكي؟
ابكي علي حال الشعب

23-من ستختار ليمسح دموعك ؟
لا يسمح دموعي الا يدي


25-إمتـــى تحســى إنك ضعيفة ؟
لما حد يظلمني بكلام ومقدرش ارد عليه وادفع عن نفسي

26-هل من الممكن ان تتحول الصداقه الى حب ؟
جايز وليه لا

27-هل تعترف بشيء اسمه الصداقه بين الرجل والمرأة ؟

28-من هو اكثر شخص تفكر فيه؟
29-ايه هى مواصفات فارس احلامك؟ وهل وجدتها؟؟
الاخلاق الشجاعة الجراة حب المغامرة العلم الثقافة الرومانسية بردوا والدم الخفيف والطيبة وانه يكون متفاهم وبيخاف عليا وبس كده
30
-هل دمعة الشاب في الحب ضعف ؟؟
مش عارفه بصراحة

31-ما رأيك بالفتاة االتي تبدأ بعترافها بحبها لشاب ؟؟
معرفش

32-ما رأيك في شاب يتخلى عن فتاة تحبه لظرف ما؟؟
والله دا يتوقف ع الظرف مقدرش احكم كده

33-الحب من وجه نظرك شكلو ايه ؟؟؟؟؟؟
اممممممممممممم