جاوب على الأسئلة دي وافتكر أيام زمان (الشقاوة)

مساااااااء الياسمين يا جميل


1. عمرك هربت من حصة انت ما بتحبها / بتحبيها ؟
بصراحة اه انا هربت كتير في الاعدادي بس ده من حصص اقتصاد صيانة كده مش مهمة يعني انما اللي فاكراها في ثانوي هربت كذا مرة

2. ايش الحصة الي هربت منها ؟
كيمياء وتاريخ


3. ايش الحجة الي هربت بواسطتها ؟
بما اني امينة الاتحاد ف المدرسة فلما يجيلي مزاج امشي من الحصة لما اتخنق منها اقول للمس الاخصائية عايزاني وثواني وهاجي يا مس ومش عارفه ايه اروح بقي اظبط الاخصائية علشان متقفش وبصراحة كانت طيبة ربنا يخليها يا رب


4. في سبب غير انك ما بتحب/ي الحصة ؟
اه مش بفهم حاجة من اللي بيشرحولنا ف الغالب لو قعدت يا اما بنام او بكلم نا واللي قصادي بالكتابة تريقة بقي هزار اي حاجة

. هربت لوحدك ولا معك حد ؟
لوحدي بس مرة كان معايا اتنين بس المرة دي مش الاخصائية كانت المس مسئولة الاذاعة

6. هربت لبرا المدرسة ولا فضلت جوا ؟
لا جوا طبعا وانا اجرؤ اخطو جمب الباب بريستيجي بردوا هيضيع

7. عمرك اتمسكت ؟
صراحة لا كل شئ مدروس


8. اية كان عقابك ؟
منا متسمسكتش هتعاقب ليه

اها الصراحة هربت كتييييييير فى الاعدادى انا كنت بروح الفصل بعد ما بيخدوا الحضور مش بقعد فى الفصل تانى وطبعا بيكون معيا صحابى وساعات كنا بنذاكر وساعات نوقف حكم ذاتى ع الباب المدرسة بس مش بنخرج اتمسكنا مرة كنا قعدين ورا مكتب المديرة سمعت صوتنا طلعت زعقت شوية واحنا جرينا وبعد كدة رجعنا تانى