عدد المساهمات : 245نقاط النشاط : 28701السمعة : 0العمر : 29تاريخ التسجيل : 16/07/2011الموقع : m.gado54@yahoo.com
موضوع: من ربايعيات صلاح چاااااهين الخميس يوليو 21, 2011 3:19 pm
خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!!
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!!
يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!!
أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! سهير ليالي و ياما لفيت و طفت و فى ليله راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !!
عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!!
ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!!
يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!!
شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!!
في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة عجبي !!!
الدنيا أوده كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار عجبي !!
نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــدها هي الحياه كده .. كلها في الفاشوش عجبي !!!!
يا طير يا عالي في الســــــما طظ فيك ما تفتكرشي ربنا مصطــــــــــــــــفيك برضـــــــــــك بتاكل دود و للطين تعًًًًودً تمـــــــــص فيه يا حلو .. و يمص فيك عجبي !!!
أنا كنت شئ و صبحت شئ ثم شــئ شوف ربنا .. قادرعلي كل شـــــــئ هز الشجر شواشيه ووشوشني قال : لابد ما يموت شئ عشان يحيا شئ عجبي !!
يا مشرط الجراح أمانة علـــــــــــيك و انت ف حشايا تبص من حواليــك فيه نقطة سوده في قلبي بدأت تبان شيلها كمان .. و الفضل يرجع إليك عجبي !!!
كيف شفت قلبي و النبي يا طبيــــــــــــب همد و مات و الا سامع له دبيـــــــــــــب قاللي لقيته مختنق بالدمـــــــــــــــــــــوع و ما لوش دوا غير لمسه من إيد حبيب عجبي !!!!
سمعت نقطة ميه جوه المحيـــــــط بتقول لنقطه ما تنزليش في الغويط أخاف عليكي م الغرق .. قلـــــت أنا ده اللي يخاف م الوعد يبقي عبيط عجبي !!!
كرباج سعاده وقلبي منه اجلد رمح كأنه حصان و لف البلد و رجع لي نصل الليل و سألني .. ليه خجلان تقول انك سعيد يا ولد عجبي !!!
الرحاله مشرفة قسم
عدد المساهمات : 1154نقاط النشاط : 31602السمعة : 3العمر : 28تاريخ التسجيل : 28/06/2011الموقع : in my lovly egypt
موضوع: رد: من ربايعيات صلاح چاااااهين الخميس يوليو 21, 2011 11:32 pm
كرباج سعاده وقلبي منه اجلد رمح كأنه حصان و لف البلد و رجع لي نصل الليل و سألني .. ليه خجلان تقول انك سعيد يا ولد عجبي !!! جميييييييل اوي تسلم
سفيرة الاحلام مشرفة قسم
عدد المساهمات : 6696نقاط النشاط : 49828السمعة : 7العمر : 27تاريخ التسجيل : 11/10/2010الموقع : علي كتبي
موضوع: رد: من ربايعيات صلاح چاااااهين الجمعة يوليو 22, 2011 1:22 am
نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــدها هي الحياه كده .. كلها في الفاشوش عجبي !!!!
جميل جداا مشكور ع الموضوع الجميل ده
mahmoud Gado فرعونى ممتاز
عدد المساهمات : 245نقاط النشاط : 28701السمعة : 0العمر : 29تاريخ التسجيل : 16/07/2011الموقع : m.gado54@yahoo.com
موضوع: رد: من ربايعيات صلاح چاااااهين الجمعة يوليو 22, 2011 6:44 am
:>:
تسملوا
ملاك2010 المشرفة العامة
عدد المساهمات : 14131نقاط النشاط : 73362السمعة : 8العمر : 32تاريخ التسجيل : 15/09/2010
موضوع: رد: من ربايعيات صلاح چاااااهين الإثنين يوليو 25, 2011 10:56 am
نااااااااااايس توبيك
يسلموووووووووو
mahmoud Gado فرعونى ممتاز
عدد المساهمات : 245نقاط النشاط : 28701السمعة : 0العمر : 29تاريخ التسجيل : 16/07/2011الموقع : m.gado54@yahoo.com
موضوع: رد: من ربايعيات صلاح چاااااهين الإثنين يوليو 25, 2011 6:23 pm
الجمعة أكتوبر 02, 2015 9:12 pm من طرف babel
