sam المشرفة العامة
عدد المساهمات : 3531 نقاط النشاط : 41958 السمعة : 2 العمر : 28 تاريخ التسجيل : 06/05/2010 الموقع : دنيا الأحلام
| موضوع: آه يا ضميرى .... صلاح جاهين الثلاثاء نوفمبر 02, 2010 2:32 am | |
| آه ياضميرى يارزيل طول عمرى وانت بلوتى فى ساعة الصفو الجميل تقطع عليا نشوتى وتهفنى توشيح كأنه شربة شيح أصرخ بعزم قوتى يادهوتى **** فيه ناس كتير من غير ضمير مش زعلانين من قلته واشمعنى انا فى عكننه من الضمير ومعاملته على أى غلطه يشكنى وف أوضه ضلمه يسكنى يربطنى فى عمود السرير ومستحيل يفكنى ويدقنى بمسامير ويدور المزامير أصرخ بعزم قوتى يادهوتى **** حتة شريك لكن عاديك دماغه أنشف م الخشب نخرج سوا نشم الهوا يعمل فصول لها العجب نلاقى مثلا محفظه على الرصيف .. مكلبظه يشاورلى على قسم البوليس ويملا مخى بموعظه اجى أزوغ يقول ياغفير ويبقى درس مرير أصرخ بعزم قوتى يادهوتى **** فى مره كنت باحب بنت وقعدت ييجى فوق عن سنه فى المواعيد أقعد بعيد علشان ضميرى فى وسطنا هجرتنى صممت أنتقم وابقى ولد شرير لئم لكن ضميرى عضنى ورفسنى خلانى انكتم وادانى فى المناخير خلانى أقول يامجير واصرخ بعزم قوتى يادهوتى **** ليه بس ليه يا ضميرى بيه مالينى همه ولحلحه عاجبك كده بالشكل ده بقيت كبير فى المصلحه والشغل فوقى تلول تلول وعرقى مرقى سيول سيول واكبر وتكبر علتى واعلى وتعلالى الحمول ياسالقنى ع البواجير مضايقنى قوى ياضمير باصرخ بعزم قوتى يادهوتى يادهوتى يادهوتى | |
|
amira saad فرعونى ممتاز
عدد المساهمات : 214 نقاط النشاط : 31077 السمعة : 0 العمر : 31 تاريخ التسجيل : 07/06/2010
| موضوع: رد: آه يا ضميرى .... صلاح جاهين الثلاثاء نوفمبر 02, 2010 12:36 pm | |
| يسلموووو يااميره ياقمر على الموضوع الجمييييل ده
يسلمووووو ياقمر | |
|