دي قصة اتنين حبوا بعض علي النت و اتجوزوا و اتطلقوا .... هههههههه

دي قصة انتين حبوا بعض علي النت و اتجوزوا و اتطلقوا ....
بعد التعارف علي النت قرروا يتقابلوا ...
هي \ حبيبي انت جيت ؟
هو \ ايوا يا حبيبتي امال خيالي .. انتي مش شايفة اسمي اون لاين ؟ يبقي انا جيت .. ده سؤال يا سوسو ؟
هي \ آسفة يا توتو اصل فرحتي بظهورك طيرت عقلي .. قوللي بقي عملت ايه امبارح لما خرجت انا اوف لاين ؟
هو \ ماعملتش حاجة ابدا اعدت في الرووم اسمع اغاني
هي \ آه , اظن الست دلوعة كانت موجودة
هو \ وحياتك كانت موجودة بس عملتها بلوك
هي \ ممممممم ... يعني ما كلمتهاش ؟
هو \ لأ
هي \ ولا حتي هاي ؟
هو \ لأ هي سلمت عليا في الرووم قبل ما اعملها بلوك و انا قلتلها برب
هي \ آه طب كويس .. يا ريت تعملها دليت خالص من الليست
هو \ عينيا يا حبيبتي انتي تؤمريني
الجزء التاني .. الجواز
هو \ اخيرا يا حبيبتي اتجوزنا و اتقفلت عليتا رووم واحدة
هي \ ايوا يا حبيبي اخيرا بس مال الصوت بيقطع هنا ليه ؟
هو \ يا ستي و احنا هنعوز الصوت في ايه ؟ اعمليه ميوت هههههههههه
هي \ علي رأيك
هو \ بقولك ايه
هي \ هاه
هو \ عملتي باس وورد للرووم , احسنت نلاقي النس جاية و رايحة علينا
هي \ اطمن عملت باس وورد طبعا و لا يهمك بعدين انا بقيت ادمن البيت يعني اي حد مش علي مزاجك باند علي طول
يوم الطلاق
هو \ انتي يا ولية
هي \ ولية !! انا ولية ؟؟
انت ناسي انت حفيت عليا اد ايه في الروومات و الماسينجرات ؟؟ ان كنت ناسي افكرك
هو \ كان يوم اسود ياختي يوم ما عملتك آد
يا ريتني كنت بريب و لا ديس كونكت ما كنتش شوفت خلقتك
هي \ نعم نعم .. مالها خلقتي مش كونت بتموت علشان تشوفني علي الكام ؟ و كل شوية تقولي فين كامك
هو \ كنت اعمي و اطرش و اضبش ... ارتحتي ؟؟
هي \ يا خاين يا غدار يخونك اللي بيننا ؟ دا حنا بيننا روومات و هئ و مئ و دوت كوم
يخونك الانفيتات اللي كنت ببعتهالك علشان تبقي جنبي في الروومات ؟
هو \ خلاص نسيت الايميلات و السهرات .. انت اكيد في مخك فيرس عاوز فوورمات
هي \ بقي يرضيكم يا هوووه ياخدني اون لاين و يرميني اوف لاين ؟ .. منك لله انت خلاص بقيت انفزيبل في حياتي
هو \ وانتي ريموت في حياتي
هههههههههههههههههههههه