فكرة للتخلص من الصراصير ف البيت

فكره جديده لو مش عايزه صراصير تدخل البيت
انتي اول ماتشوفي صرصار تعملي ايه ؟؟؟
بتروحي قاتلاه على طول
هو دة الغلط
مش هو بيعذبك يبقى انت كمان تعذبيه وتاخدي تارك منه
...
علشان كده جبت ليكم الطرق دى
.
.

1-اول ماتشوفيه اجري جري على( الفيري) بتاع
غسيل الصحون ولو مش موجود فأي صابون سائل يفي
بالغرض المهم حطي عليه كتير وحواليه حتشوفيه يلغوص فيه خليه كده.

2 -جيبي كباية وحطي فيها ديتول و خل مركز جدا جدا (((مافيش رحمه))) و ماء مغلى غليان شديييد بعدين حطيه فيها.

3-استنى 5 دقائق وبعدين حطية في الشمس عشان ينشف وبعد 5 دقائق من التجفيف

4-حطيه في قصدير وحطي عليه شوية بيروسول خليه يدوق طعم الموت بس متكتريش عشان ميموتش .... (أحنا لسة معملناش حاجة)

5- بعدين حطي عليه فلفل ثوم طماطم فلفل رومي اسود

6- بعدين حطيه في الفرن 6 دقائق بدرجه لاتقل عن 100000فهرينهرايتات

طلعيه من الفرن وهات اكبر جزمه في بيتكم واديله واديله لغاية مايقول بس

7-والخطوه الاخيره اكتب تهديد إلى الصراصير في ورقه واربطيها بالصرصار في البلاعه

وإبقى قابلينى لو شوفتي صرصار قرب من البيت

ههههههههههه دول هيهجرو من البلد كلها
بس ده كده كتير حرام عليكم
بس بجد تسلم ايدك

ههههه اييه الذكاء والعبقريه دى بس؟. يا خبر ابيض ده الصراصير هيغاذروا لبلا مسنين علشان
محدش يشوفهم ويعذبهم ههه يسلموووو يا قمر

هههههههههههههههههههههه
لا ده احنا هنشاهد عصر انقراض الصراصير

تسلم اديكي ياسام
توبيك جميل

ده جامد جدى تسلم ايدك

» نصائح هامة للتخلص من دهون البطن
» أبوتريكة: تراجعت عن فكرة الذهاب للجزائر
» على فكرة الحب حراام ..- لا مش حرام .. - لا حرام ... !!!!