عمرك قعدت او قعدتي في يوم كدة تفكروا أنا لازمتي إيه؟ انا ايه الحاجات المفيدة اللي بعملها في يومي؟
سألت نفسك مرة، أنا لازمتي إيه؟ رسالتي إيه في الدنيا؟ طيب قلت لنفسك مرة، انا مليش لازمة!وجودي زي عدمه!
مين قال كده بس إنت يمكن بتعمل خير بس مش حاسه .. وجودك مؤثر بشكل من الأشكال
يعني إنت لو طلعت صدقة إنهارده لأي شخص كان تفتكر إنك مش بكده ساعدته؟!يمكن هو كان محتاج للمبلغ الصغير ده علشان يجيب... حاجة محتاجها بجد و هو قليل الحيلة ما يملكش حتى المبلغ الصغير ده
إنت لو ماشي في الشارع إنهارده و لقيت ست كبيرة في السن وشايلة أكياس تقيلة و ساعدتها بإنك شيلت منها الأكياس و المسكينة فعلا كانت محتاجة للمساعدة وربنا خلى ليك لازمة كبيرة إنهارده للست دي
و إنتي لو قاعدة مع واحدة صحبتك في البيت إنهارده وخارجين سوا ولقتيها بتطلع إزازة البيرفيوم علشان تحط منها و إنتي قلتها ماتعملش كده بدل ما حد يشمها وتشيل ذنب و لولا كلمتك كانت رشت رشة منه ونزلت به وإتكتب في كتابها إنها زنت
إيه رأيك مش كان ليكي لازمة بجد؟! و وجودك مش زي عدمه زي ما كنتي فاكرة بالعكس كل واحد فينا بيحط في اليوم ولو بصمة واحدة تثبت إنه له رسالة في الدنيا
ولما يدرك الشخص مننا الكلام اللي بقوله ده و يشوف الأمثلة دي اللي الواحد بيعملها و هو مش واخد باله أد إيه مفيدة ساعتها هيتحمس إنه يزود من بصماته
إنتي ليكي لازمة و انت ليك لازمة مادام عندك عقل ولسان
م ن ق و ل
الجمعة أكتوبر 02, 2015 9:12 pm من طرف babel
