كلام لوووووووووووووووووووز شوفوا كدا بقي!!!

اولا الموضوع الاول كالاتي: موضوع من كوكو زحل زي ما قلتوا بس مش بالظبط يعني شغال ع كوكو الارض بتاعنا دا عارفينه طبعا
وبم ان الحوار بين الشباب الحلوين والبنوتات المقطقتين فأنا جمعتلكوا شويه جمل لطاف ظراف بيقلها 95 فالميه من شبابنا للبنانيت دلوقت وهم كالاتي

1 حبيبتي انتي عارفه انا مش بحب حركات الشباب الطايش اصلا انا مش بكلم بنات (وتلاقيه بس عارف طوب الارض)

2 يااااه ياحبيبتي انا حاسس اني اعرفك من زمان(وهو تلاقيه متلخبط بينها وبين بنت كان يعرفها قبل كدا)

3 حاسس يا حبيبتي ان فيكي حاجه غريبه(اكنها بتمشي ع ايديها ورجليها مثلا)

4 انا حاسس ياحبيبتي ان افكارك شبه افكاري وكأننا مخلوقين لبعض(اكيد دي البت رقم 100 اللي بيقلها البقين دول وكأن بنات الدنيا مخلوقين عشان جنابه)

5 حبيبتي انتي اول حب فحياتي وانا حاسس اني اتولدت من جديد يوم مقبلتك(ع اساس طبعا الوالده كانت حامل فيه بقالها 20 سنه وولدته قبل ما قبلها بيومين بس)

6 حبيبتي عايز اشوفك كل يوم كل ساعه كل ثانيه(عشان طبعا اصحابه يتأكدوا انها حلوه ولا لأ)

7 هكلم باباكي ياحبيبتي اول مكون نفسي (عليه العوض موت يا حمار)

8 انا علاقتي بيكي يا قلبي محدش يعرفها غيري وغيرك وربنا لانك بقيتي كل خصوصياتي(يعني يدوب ال يعرفوا اخواته واصحابه وجيرانه وقرايبه واصحاب صحابه)

9 يااااه لما بشوف رقمك ع الموب ياعمري قلبي بيتنفض(طبعا مالخضه لتكون فأسته)

10 فلان قالي اديله رقمك يا حياتي بس انا قلتله اقتلني قبل متاخد رقمها(وهيا ياعيني رقمها مع مخاليق ربنا)

11 حبيبتي عايز صورتك عشان قبل ما انام اشاهد جمالك واعينها تحت مخدتي(لا وهو الصادق عشان اما يتخانقوا يهددها بيها ع طول)

12 اسف ياحبيبتي امبارح مقدرتش اكلمك اصل كنت مشغول فالمذاكره(قصده مفلس او مشغول مع واحده تانيه)

13 اسف ياعمري مقدرتش اجي امبارح فالمعاد اصل كان عندي ظروف صعبه(معذور الواد افتكر معاد البت التانيه اللي مأجله مالأسبوع اللي فات)

14 عارفه ياحبيبتي انا طول الليل بفكر فيكي (علي مين ترد عليه تقله امال مين اللي كان نايم مبيردش ع الموب وكالعاده الرد جاهزاااه انتي تقصدي الخمس دقايق اللي نمتهم دول من كتر التفكير فيكي جالي غيبوبه)

15 عارفه ياحبيبتي انا مش بفتح الياهو غير لما بتكوني موجوده اصلا النت ميسواش من غيرك(يقصد مش بيفتح البلوك عنها غير لما تكون بس هيا اون لين عنده)

***اما بقي لما الواد بيزهق ويجيب اخره من البت بتاعته وبيقول ع رأي حبيبتي اصاله
انا خلاص فاض بيا ويشوف واحده احلي منها بيبقي الحوار كالاتي طبعا؛
16 حبيبتي انا مستهلكيش هيييييييييه وهو دا حال الدنيا(يا حرام الواد بيضحي عشان الدكتور قاله هتموت الاسبوع الجاي فمش لزمن طبعا يعذبها معاه)

17 انا بعمل كده عشانك انتي صدقيني (ايون مااحنا عارفين باباها قايله لو مسبتهاش انا هحرمها مالميراث)

18 انا هسيبك ياحبيبتي عشان مش عايز حد يتكلم عليكي نص كلمه(يااا راجل وانتا لسه فاكر دلوقت مالبنت اتشحورت واللي كان كان بقي)

19 انا مش عاوزك تزعلي مني(يا راجل وانتا لما تسبها هتعمل فرح مثلا وتدبح عجلين لا والنبي هتزغرد لولولوي الود سابني انا فرحانه)

20 انا ههاجرومش عارف هرجع امتي (طب ما تاخدها معاك يامعلم ولا هيا حجج وخلاص)

21انا مينفعش ارتبط بواحده مشيت معاها(يا راجل لأ اطمئن ربنا هيكرمك انشاله وترتبط بواحده مشيت مع نص شباب البلد ولا تزعل)

22 انتي احسن حد عرفته فحياتي بس مش هينع نكمل(ترد هيا وهيا بتعيط لييييييه يقلها عشان خاطري دموعك دي غليا عليا وبردوا ميقلهاش ليييييه)

23 حبيبتي انا اكتشفت ان مافبش بينا حاجه متشابهه(لابجد بقاله سنتين ولسه مكتشف ده اظاهر عليه كان بيكتشف مقبره جديده فالقصر وأوسان)

24 انتي اكتر حد حبيته فحياتي بس بردوا زي مقلتلك مش هينفع نكمل(لا تعليق)

25 والله يا حبيبتي انا مش بلعب بمشاعر البنات زي ما انتي فاكره بس هواا دا نصيبنا(لااااا ما هو واضح)

***اولا بقي قبل محد يتكلم انا مش مألفه الكلام ده من عندي الغالبيه العظمي بتقوله وغالبيتنا اكيد سمعه

فيه اللي بيقوله بجد وفيه ال بيضحك بيه عالبنات

انا بس جمعت منه شويه جمل وكاتبه انا التعليقات قصدت بس نضحك مع بعض شويه الواحد نسي الضحك من كتر الهموم والله ومش معني كدا ان كل الشباب وحشين ولا ان كل البنات ملايكه
وعشان محدش منكم يتهمني بالتحيز اهو 10 جمل اخر حاجه بتقلها البنات النص كووووووم للشباب يلا وخد عندك يا سيدي؛

1 كنت مع ماما=يبقي كانت مش عايزه تكلمك

2 بتحبيني قد ايه=ولا كأنها سمعت اساسا

3 جاني عريس=يبقي عايزاك تتجوزها

4 موبايلي مش فيه رصيد=اشحن يا حبيبي

5 شويه واكلمك=يبقي فوت علينا بكره

6 عايزه انام=تشغل الشريحه التانيه

7 عايزاك فموضوع=يبقي عايزه سلفه

8 دقيقه هركب الشاحن=اقفل بقي انت ايه

9 اخويا جه فالبيت=كفايه غرمتني رصيد

10 احنا مش هينفع نكمل مع بعض=يبقي شافت غيرك يا حلو

***اهو جبتش انا حاجه من بيتنا ....هههههههه
واليكم كمان حوار قصير بين فتي وفتاه اولاد حلال وربنا
هي/انت ليه مش بتمسك ايدي واحنا مشيين فالشارع؟

هو/يجاوب بسلامته:لأ بلاش افرضي حد من قريبينك شفنا ولا حد من صحاب اخوكي فالكليه انشاء الله بكره نتخطب وامسك ايدك قدام الدنيا كلها

هي/ انتا ليه مش بتمسك ايدي.....

هو/عشان مش عاوز حد يفتكر اننا عشان اتخطبنا هنصيع بقي وبعدين بصراحه انا مستحرم انشاء الله هنتجوزوامسك ايدك وانتي مراتي

هي/ انت ليه مش بتمسك ايدي....

هو/يا حبيبتي احنا مش مراهقين بقي هنمسك ايد بعض فالشارع بردوا وبعدين لينا بيتنا يلمنا يعني

هي/ انتا ليه......

هو/يعني امسك ايدك ولا امسك ايد البنت ولا اشيل الاكياس دي كلها الله حاحه غريبه جدا

هي/انتا ليه....

هو/ايد ايه الي انتي عايزاني بس امسكها دلوقت انتي عايزه جوز بنتك يقول علينا كبرنا وخرفنا مثلا

بعد كدا بقي اظن معدش هيبقي في ايدين تتمسك يمسكوا ايدين بعض فالجنه بقي لو ان ما اظنش هههههههه